維京人又再浦頭鳥～

原來唔經唔覺，已經有成三年幾冇 update 過呢個 blog。原因其實好簡單，「三個字」：懶到出汁！ 其實都唔係咁懶嘅，只不過維京人近呢三年幾公司不停有嘢做，個個月都要出 trip，所以咪冇抽時間寫吓 blog 咁囉。 講開又講，喺呢幾年入面，mobile 嘅世界真係日新月異。2011年出咗 iPad 之後大家就更加機不離手。咁當然維京人都唔例外啦，基本上冇咗 iPhone 同 iPad 係完全生存唔到㖭。 最奇怪嘅係：有咁多身邊嘅人擁有一個或者多過一個嘅 device, 原來好多人都係攞嚟睇下網頁，打下機咁啫。甚至近日有朋友問我點樣喺 iOS 關閉開多咗嘅 app!(!?) 攪到維京人好想將有限嘅用 app 經驗 share 吓俾大家。 That's why 又 pick up 番寫 blog 嘅諗法。大家得閒上嚟望望啦。