有 Finger，iPhone 可以做手寫板

維京人一向都用開倉頡打繁體、五筆打簡體中文，最多打唔掂就加上速成同埋拼音。So far 問題都唔係太大，所以手寫板對我嚟講用處唔係太大。

近日喺 App Store 見到 Finger 呢個軟件，亦忍唔 download 落嚟試用。

Finger 呢個軟件其實係做乜嘅呢？之唔係將你部 iPhone 變成手寫板！

此軟件可以支援 Mac 機同埋 Windows。只需要喺 iPhone 裝咗呢個 App，同時亦喺你嘅 Mac / PC 裝埋 Desktop 版，經 Wi-Fi 自動連接，你就可以喺 iPhone 上寫上繁簡中文，甚至輸入日文亦都得。(日文都係以文字輸入，暫未能以手寫輸入部份只有日本才有的漢字，何如 「桜」、「窓」等。





小弟甚至試過玩埋韓文。可以輸入，不過係每個字輸就冇問題，一句句子輸入有時會唔見咗 D 字。

軟件價錢為 US$4.99，比起你買塊手寫板平得多。值得推介。

有興趣嘅朋友可以喺 App Store 以 Finger 作搜尋，或 click 呢度都得。

沉溺於 Word Scramble by Zynga

iPhone 上嘅 puzzle game 多於銀河，要揀啱一個好玩嘅其實都唔易。今期推介嘅 Word Scramble by Zynga，宣稱 “** Top 20 paid app is now FREE! **”，既然免費，即管一試無防。

唔知大家有冇玩過 word scramble？玩法係畫面會出現 16 個英文字母，你要以最快嘅時間搵出由多過或等於三個字母組合嘅字 (word)，而有關嘅字母必需於畫面上相連嘅。搵得越多就越高分。



個 game 設有二分鐘或三分鐘嘅選擇，你亦可選擇 4X4 或 5X5 嘅版面。

最特別嘅係，你可以透過 EDGE, 3G 或者 Wifi，同你 D friend 一齊玩，不過呢個 feature 小弟仲未試過。據聞仲可以睇到各人嘅排名㖭。





好明顯小弟係書到用時方恨少，玩呢個 game 最勁嗰次三分鐘都係六十零分左右。好多字都識但當一玩嘅時候就醒唔起。由於成日唔服氣，所以通常玩完三分鐘後又再玩，挑戰完一次又再挑戰下一次，真係令人沉溺。

想下載嘅朋友，可以喺 App Store 度輸入 “Word Scramble by Zynga”，或直接 click 呢度都得。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

iPhone 李丞責

如果想搵萬年暦、通勝，其實家下都唔駛點去文具鋪買書。喺 Apple 嘅 App store 就有唔少嘅選擇，有平有貴。

日前唔覺意又搵下有乜新 App，赫然見到李丞責李師父竟然變咗一個 iPhone App？

原來李師父都好 in 下，出咗個以佢做生招牌嘅 Lucky Days 2009 李丞責通勝，價錢為 $1.99 美元。

見個 App 價錢都可以，download 嚟望望先。咦？唔錯喎，個界面好清晰易用，而且 D 卡通公仔都幾得意。

你可以設定 profile，將自己或朋友嘅出生日期時間姓名輸入，咁當你要查你自己或者朋友邊日係特別吉日，只要選擇有關嘅 profile 即可。例如你做生意鋪頭新開張，咁你只要輸入出生日期同埋選擇 Grand Opening，佢就會列出有關嘅吉日。






最方便嘅係，如果你同幾位朋友一齊做生意，想睇下有冇共同嘅吉日亦得。呢個軟件會自動排除與每人相沖嘅凶日。

當你搜尋到相關吉日，仲可以即時以 iPhone email 俾自己或朋友，超好玩。

想 download 嘅，喺香港 App Store 以 keyword Lucky Days 2009 作搜尋，又或者 click 呢度都得。

近期維京人都比較忙，都冇乜留意 App Store 原來多咗好多 App。一看之下好多都心思思想試，大家即管多 D 上嚟呢度，話唔定小弟介紹嘅 App 你未見過都未定。

Cheers!

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

Skype on iPhone，終於登場

經濟唔好，老細自然有 pressure。正所謂你有壓力我有壓力，近排維京人公司亦開始玩 cut cost。其中一樣就係喺長途電話費入手。

為咗解決公司高層嘅高用量嘅 IDD 電話費，近呢兩個月開始使用 Skype，用嚟同公司內部嘅外地同事溝通。通話質素其實好 depends on，尤其係 office hour，network busy 自然講嘢窒吓窒吓。

不過如果喺 non-office hour 去使用，其實通話質素係絕對無問題嘅。

一直都等緊 iPhone 版嘅 Skype，不過遲遲未出，上年亦喺度介紹過一個用 fring 嘅方案。不過質素始終嘛嘛哋。

終於，上個禮拜 iPhone 版 Skype 千呼萬喚始出來出咗喇。維京人呢排比較忙，都係今日試得閒 download 落嚟試用吓。

一登入已經 load 晒個 Skype 出嚟，唔錯。試打下電話，okay 喎，唔錯。











呢個 App 除咗標準嘅 Skype 通話功能外，短信亦係無問題嘅。另外，如果你要打 Skype to Phone，亦可以點選貯存咗喺你部 iPhone 嘅 Contact，好方便。

另外，配合 iPhone 有拍攝嘅功能，你可以即刻用部 iPhone 影相然後 upload 去更新你 profile 張相。

詳細資料可以去 Skype 網頁睇睇，又或者上 App Store 都得。

補番一句，用 iPhone 講 Skype，只可以透過 Wifi。各大流動電話通訊商係唔會俾你用 3G 等流動數據通訊嘅做法嘅，因為同佢哋利益有衝突。如果各位知道邊間可以咁做，請通知我，第一時間轉台去也！

Cheers!