喜歡玩模擬市民 (The Sims) 嘅朋友，呢個禮拜相信都相當興奮。因為 The Sims 3 已經喺啱啱過咗嘅禮拜 release 咗。同時間，iPhone version 亦空降 Apple App Store。$9.99 美金，幾日間已躍上排行榜第一位。維京人亦第一時間 download 咗，試玩咗幾日，家下介紹下先。
一開始遊戲，例牌地要先設置有關人物嘅外形。PC / Mac version 嘅人物造型多到可以攪半日，但 iPhone version 基本上選擇有限。甚至只有一款樣貌供選擇，你只可以改眼睛瞳孔同埋 Sim 嘅膚色，比相像中嘅少。
呢個 game 亦好似 The Sims 3 PC / Mac version 一樣，可以選擇 Sim 嘅性格，包括神經質、有趣、怕醜、沉悶等等。亦設有 73 種大大小小嘅目標，俾個 Sim 去做而令到個 Sim 開心。
玩咗幾日，維京人嘅 Sim 已經賺夠 1000蚊擴大咗間屋，同埋結埋婚㖭。都係搭車等人嘅時間玩，呢個 game 真係 kill time 好幫手呢。不過小弟亦玩過幾年前 Nokia n-gage 嘅版本同埋 PSP 版本，都係覺得嗰兩個版本好玩 D，可能係因為有半故事模式，同埋可以落吧等 detail 細節。
亦有玩過嘅朋友話呢個 iPhone 版本玩下玩下會跳咗出嚟。維京人亦試過有呢個情況。建議每次裝咗新 App 或者同電腦 Sync 後，reboot 一下部 iPhone。
想下載嘅朋友，可以喺 App Store 以關鍵字 "The Sims 3" 作搜尋，或 click 呢度都得。
沒有留言:
發佈留言