單手操控 Safari

當各位搭車排隊或等人，唔知會唔會攞部 iPhone 出嚟玩呢？要利用呢 D 唧出嚟嘅時間，用 iPhone 上網絕對係一個好嘅選擇。

唔駛講，打開 iPhone 嘅專用 browser Safari 先。唔 ...... 呢段新聞好似幾得意喎 ...... 咦？呢篇 blog post 都好過癮啫 ...... 正想用兩隻手指將個網頁放大，睇清楚內文嘅時候，「唉吔！幣傢伙！」！

如果閣下正搭緊車，企喺車箱內一隻手已經揸住個扶手；或者喺厠所門口等女朋友出嚟，而一隻手已經攞住佢嘅手袋同埋 shopping 嘅大出血戰跡；又或者其中一隻手整親，打緊石膏，你就有可能感受到以上「幣傢伙」嘅情況。

唔駛驚，Apple 嘅 iPhone 係好貼心嘅。原來閣下只要用輕輕咁 double click 你想放大嘅內容，Safari 就會自自然然 focus 喺有關嘅 frame 度，然後放大。睇下以下嘅效果如何？

　　

如果又想縮番細，再次 double click 即可。真係好方便！