網頁

2009年2月25日星期三

夠用就好 - Ontime HK

住離島嘅朋友,有冇試過記錯小輪開船嘅時間,而趕唔切船呢?

如果有,咁最好嘅解決辦法就係時時刻刻,都放張船期表喺褲袋度就最好啦。之但係,家下係 digital 嘅年代,最好就緊係可以喺自己部電話度查到咁就方便啦。

喺香港嘅 App Store,亦有專為離島朋友而設嘅 iPhone App。呢個就係今次要介紹嘅 Ontime HK 喇。呢個係本地軟件,請大家支持本地創作。最重要係,呢個 App 係唔駛錢嘛。

呢個 App 超簡單,就係將離島嘅渡輪時間放咗喺部 iPhone 度,方便你去查。渡輪時間表包括愉景灣、坪洲、梅窩、長洲、南丫島嘅榕樹灣同索罟灣等。另外亦提供愉景灣同埋珀麗灣嘅巴士時間表。佢仲會話俾你知最近嘅離開船時間差幾多分鐘。



呢個 App 超簡單,但夠用就好。有興趣嘅朋友可以喺香港 App Store 以關鍵字 Ontime 作搜尋,又或者 click 呢度都得。

******

昨天 (2月24日) 原來係 Steve Jobs 嘅生日,喺度補祝佢生日快樂,最緊要梗係身體健康啦。

******

農暦新年時去了荷比盧+巴黎,有興趣睇遊記可以去市場維京人

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht

******

維京人近期愛上跑步,有空請幫幫忙為小弟打氣啦!

http://runningviking.blogspot.com

2009年2月16日星期一

經濟唔好,好多 App 大減價

農暦年期間到歐洲玩了差不多兩個星期,回來後驚覺 iTunes Store 又多咗好多新 App。

要試新 App, 緊係第一時間打開 Top Paid App 個 list 嚟睇吓啦。一睇,嘩!點解咁多 App 大減價,而且最勁仲減到 2折㖭。果然經濟唔好,大家唯有靠大減價作招徠啦。

減得咁勁,好似好吸引咁喎。稍後維京人仍會將自己用過覺得好嘅(或唔好嘅)App 喺度仲紹下,就當俾大家一個參考啦。不過到其時可能冇得減價都唔定。



******

維京人荷比盧+巴黎遊,可以到市場維京人睇睇。
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
iPhone, iPhone Blog, iPhone App, App Store, Apple, iTunes, iTunes Store, mobile phone